«Гімн роднай мовы»
21.02.201821 лютага ва ўсім свеце адзначаецца Міжнародны дзень роднай мовы. Гэта свята, якое нагадвае носьбітам роднай мовы пра неабходнасць яе захавання, выкарыстання, падтрымкі і развіцця. У нашай школе ў гэты дзень прайшло выхаваўчае мерапрыемства “Гімн роднай мове”. Вядучыя мерапрыемства вучні 9 класа паведамілі ўдзельнікам аб тым, чаму менавіта 21 лютага адзначаецца Міжнародны дзень роднай мовы. У гэты дзень у школе гучалі вершы, песні, прысвечаныя беларускай мове. Вучні прынялі ўдзел у інтэрактыўнай гульні “Узнаві прыказку”, паглядзелі пастаноўку беларускай народнай казкі. У канцы мерапрыемства ўсе разам саставілі “10 запаведзяў”, у якіх выказаліся аб тым, як павінен адносіцца кожны беларус да роднай мовы.
Родная мова – гэта мова продкаў, мова нашага народа, духоўная спадчына і абярэг у жыцці!
Настаўнік беларускай мовы і літаратуры С.В.Хандрыка